БИР ГУРУҲ ФАОЛ ЁШЛАРГА ЎЗБЕКИСТОН ЁШЛАР ИТТИФОҚИГА АЪЗОЛИК ГУВОҲНОМАСИ ТОПШИРИЛДИ
Бир гуруҳ фаол ёшларга Ўзбекистон ёшлар иттифоқига аъзолик гувоҳномаси тантанали топширилди Темурийлар тарихи давлат музейида Ўзбекистон ёшлар иттифоқи Учтепа тумани кенгаши томонидан бир гуруҳ фаол ёшларга Ўзбекистон ёшлар иттифоқига аъзолик гувоҳномаси тантанали топширилди. Бу ҳақда ЎзАА расмий сайти хабар бермоқда.
Жорий йилда Ўзбекистон ёшлар иттифоқи қошида 15 нодавлат нотижорат жамоат ташкилоти фаолият юрита бошлади, йил охиригача улар 30 тага етказилади. Олий таълим муассасаларида таълим олаётган талабалар Ёшлар иттифоқига аъзо бўлган ҳолда ўз фаоллигини намойиш этиб, ўзлаштириш даражаси 85 фоиздан ошса, контракт тўловининг 30-40 фоизи тўлаб берилади. Ана шундай тадбир Ўзбекистон ёшлар иттифоқи Миробод, Яккасарой туман кенгашлари томонидан ҳам ўтказилди. Тадбир доирасида “Ёшлар – Ватанга таянч”, "Бизнинг энг катта таянчимиз ва суянчимиз, ҳал қилувчи кучимиз – ёшлар!” шиори остида очиқ мулоқот, давра суҳбатлари ва акциялар ўтказилди.
