Нью-Йоркда рўй берган терактни ўзбекистонлик Сайфулло Саипов содир этганлиги гумон қилинмоқда. Бу ҳақда Santa Monica Observer нашри хабар қилди.
Маълум бўлишича, Сайфулло Соипов 2010 йили Ўзбекистондан Қўшма Штатларга лотереяда грин-картани ютиб олган ҳолда кўчиб кетган. У Флорида ҳамда Нью-Жерсида яшаган, Uber компаниясида ҳайдовчи бўлиб ишлаган.
Полиция Соиповнинг юк машинасини кўздан кечириш чоғида кабинада араб тилидаги ёзувни топган. New York Times нашри хабарига кўра, унда унинг ИШИД террорчилик гуруҳига содиқлик билдиргани айтилган.
