Европа тикланиш ва тараққиёт банки раҳбари Сума Чакрабарти Ўзбeкистон прeзидeнти номига мактуби йўллаб, Европа тикланиш ва тараққиёт банки Директорлар кенгаши Ўзбекистон учун илк икки лойиҳани бир овоздан тасдиқлаганини Сизга маълум қилди.
Жорий йил март ойида Тошкент шаҳрида Ўзбекистон ҳукумати билан Англашув меморандуми имзоланганидан сўнг банк вакиллари тезкорлик билан қатор сармоявий лойиҳалар ишлаб чиқди.
Юқорида зикр этилган икки лойиҳа кичик ва ўрта бизнес, савдони молиялаштиришни қўллаб-қувватлаш учун Ўзбекистон Миллий банкига ажратиладиган 100 миллион доллар қийматидаги кредит линияси, шунингдек, мева шарбати ишлаб чиқаришга ихтисослашган "Агромир" хусусий компаниясига ажратиладиган 10 миллион долларлик заёмдан иборатдир. Ушбу лойиҳалар банк тармоғи, кичик ва ўрта тадбиркорлик, агробизнесни мустаҳкамлаш орқали мамлакат иқтисодий тараққиётига салмоқли ҳисса қўшиши кутилмоқда.
Шунингдек, Европа тикланиш ва тараққиёт банки президенти ҳозирги вақтда у раҳбарлик қилаётган банк мутахассислари молия, қишлоқ хўжалиги ва саноат тармоқларида, шунингдек, жойлардаги инфратузилмани ривожлантириш бўйича кўплаб қўшимча сармоявий лойиҳалар ишлаб чиқаётганини, "Кичик бизнес учун маслаҳатлар" дастурини ҳам ишга туширилганини таъкидлади.
