Германиялик таниқли автопойгачи, уч йўналиш бўйича Гиннес рекордчиси Райнер Цитлоу айни пайтда пойтахтимизда эканлиги ҳақида хабар берди Uzbekistan24.
У Венеция-Шанхай йўналиши бўйлаб саёҳат қиляпти. Райнер, шу билан бирга, “Буюк ипак йўли” деб номланган, 12,5 километрлик йўналишни тез босиб ўтиш бўйича янги рекорд ўрнатиш ниятида.
Цитлоу бугун Германиянинг мамлакатимиздаги элчихонасида бўлиб ўтган матбуот анжуманида иштирок этиб, Ўзбекистон ҳақида ўзининг илиқ фикрларини билдирган. У мухбирларимизга берган интервьюсида Самарқанд — Буюк ипак йўлининг юраги эканини таъкидлаган.
