Кинорежиссёр Жеймс Кэмерон Терминатор ҳақидаги янги трилогияни суратга олишни режалаштирди, деб хабар берди Tvzvezda.ru нашри. Кинематограф франшиз ҳуқуқининг маълум қисмини ўзига қайтаргандан кейингина, 2019 йилдан сўнг фильм экран юзини кўради.
Америкалик кинорежиссёр Жеймс Кэмерон Терминатор ҳақидаги янги трилогияни суратга олишни режалаштирмоқда. Режиссёрнинг маълум қилишича, айни пайтда Терминатор ҳақидаги бутун жаҳон фрашизининг ҳуқуқий эгаси бўлмиш Дэвид Эллисон билан музокара олиб борилмоқда.
Режиссёр Терминатор ҳақидаги фильмни янги бош қаҳрамон иштирокида суратга олишни истаганлигини, аммо олдин киборгни йўқ қилиш ёки янгилаш зарурати бор-йўқлигини аниқлаш лозимлигини маълум қилди.
“Терминатор: Генезис” жангари фильмининг бешинчи қисми 2015 йилда экран юзини кўрган эди. Кейинроқ ОАВлар Paramount Pictures кинокомпанияси раҳбарияти фильмнинг сўнгги лентасини томоша қилиб, ҳафсаласи пир бўлганини, франшизни молиялаштиришни тўхтатганлигини маълум қилган эди.
