Ижтимоий тармоқларда боласини полга ирғитган аёл акс этган видеоролик пайдо бўлгандан кейин Қозоғистонниг Олмаота вилоятида уни қидириш ишлари бошланди, деб хабар берди Tengrinews.kz нашри.
Мазкур видеоролик “ВКонтакте” ижтимоий тармоғидаги “Мен гувоҳман” гуруҳига жойлаштирилган. Воқеа тахминан Олмаота вилоятидаги Талгар туманида содир бўлган.
Кадрда кроватда ғазабланган аёл ўтиргани, у ёнидаги қизчага қўпол муносабатда бўлиб, ёнига ўтиришни буюргани, кичкина боланинг қичқириб йиғлаётгани акс этган. Кадр ортидан эркак кишининг болани тинчлантиришни сўраганини, аёл эса ўрнидан сакраб туриб, болани полга ирғитганини кўриш мумкин.
Олмаота вилоят ИИБ матбуот хизматининг хабар беришича, видеороликдаги аёл қидирилмоқда. “Агар аёл ҳақиқатан ҳам Талгар туманида яшаса, унга нисбатан қонуний чора кўрилади”, деб маълум қилди ИИБ матбуот хизмати.
