Чита шаҳрининг марказий кўчаларидан бирида енгил машинани ер ютди, деб хабар берди Tvzvezda.ru нашри.
Автомашинани ер ютганда ҳайдовчиси унинг ичида бўлган. Асфальт ўпирилиб, автомашина ер қаърига ғарқ бўлди. Автомашина ҳайдовчиси машина кўздан ғойиб бўлгунга қадар, бир амаллаб унинг ичидан чиқиб олди. Ўпирилишга нима сабаб бўлгани ҳозирча номаълум. Воқеа жойида шаҳарнинг шошилинч коммунал хизмати иш олиб бормоқда.
