«Бавария» ярим ҳимоячиси Дуглас Коста Туриннинг «Ювентус» клуби билан шартнома имзолаш учун Италияга етиб келди. Бу ҳақда туринликлар матбуот хизмати маълум қилди. Футболчи бугун тиббий кўрикдан ўтади ва туринликлар билан шартнома имзолайди.
«Ювентус» бразилиялик футболчини аввалига 6 миллион евро эвазига ижарага, кейин эса 40 миллион евро эвазига сотиб олиш шарти билан ўз сафига қўшиб олаётгани маълум қилинганди.
Ўтган мавсум Германия чемпионатида Коста 23 учрашувда майдонга тушиб, 4 гол ва 6 голли узатма муаллифи бўлганди.
