Тожикистоннинг Душанбе шаҳрида 11 киши аттракциондан йиқилиб, тан жароҳати олди, деб хабар берди Tengrinews.kz нашри.
Тожикистон республикаси ИИВнинг берган маълумотига кўра, фожиа 13 июнь куни содир бўлган. Мамлакатнинг марказий стадионида бўлиб ўтган Тожикистон-Филиппин футбол матчини томоша қилган ёш йигитлар матчдан кейин аттракционда учиш учун истироҳат боғига кирган. “Қайиқ” номли аттракционга бир пайтда 24 кишининг бирваракайига ўтириши оқибатида аттракцион оғирликни кўтара олмай, ағдарилиб кетган.
Исмоил Сомоний номли пойтахт туман прокуратураси воқеа юзасидан жиноий иш қўзғатилгани, айбдорларга қонуниний чора кўрилиши ҳақида хабар берди. Айни пайтда жабрланган 11 йигит касалхонага ётқизилган. Истироҳат боғи маъмурияти мазкур аттракцион 20 кун илгари Хитойдан келтирилиб, ўрнатилгани ҳақида маълумот берди.
