“Boeing” корпорацияси “Ўзбекистон ҳаво йўллари” Миллий авиакомпаниясини Boeing 787 Dreamliner самолётларини муваффақиятли, ҳалокатсиз эксплуатация қилгани учун мукофотлади.
Эслатиб ўтамиз, Ўзбекистон Миллий авиакомпанияси Boeing 787 Dreamliner самолётлар янги авлодини ўтган йилнинг сентябрида эксплуатация қила бошлади. Бугун «орзу лайнери»да Дубай, Деҳли, Амритсар, Истанбул, Тель-Авив, Сеул, Франкфурт, Москва, Куала-Лумпур ва Сингапурга муваффақиятли парвозлар амалга оширилмоқда.
27 июль куни тарихда илк бор «Ўзбекистон ҳаво йўллари» Миллий авиакомпанияси Boeing 787 Dreamliner самолётида Тошкентдан Нью-Йоркка қўнишсиз рейс амалга оширилади.
Таъкидлаш жоизки, 2016 йилда «Ўзбекистон ҳаво йўллари» ва «Боинг» корпорацияси ҳамкорликларининг 20 йиллик юбилейини нишонлашди.
