Япониялик келин-куёв ҳамма қатори ёдгорликлар ва диққатга сазовор жойларда расмга тушишни истамади, деб хабар берди Tjournal.ru нашри.
Япониялик келин-куёв ортларидаги портлаш жараёнида тўй фотосессиясини ўтказишди. Пиротехник воситалар портлаб, олов сачраганда ҳам келин-куёв қилт этмай, хотиржам равишда суратга тушишда давом этди.
Портлаш Тотиги шаҳридаги ташландиқ кон олдида уюштирилди. Портлашни ташкил этишда ёшларга тадбирларни уюштириш билан шуғулланувчи маҳаллий Cosnavi компанияси ёрдам берди.
Съёмка ишларига қимматбаҳо техник ускуналарга эга бўлган ўнлаб ходимлар жалб этилди. Майдонда алоҳида озиқ-овқат ортилган юк машинаси ҳам бор эди. Мазкур жуфтлик 2015 йилда турмуш қурганига қарамай, ноодатий фотосессияни энди амалга оширди. Улар ушбу фотоссессияни тўйлари бўлган кун муносабати ёки ажрашиш туфайли ҳам амалга оширган бўлишлари мумкин.
