Шу йилнинг 4 июнь куни Ўзбекистон Биринчи лигаси 13-турида «Сурхон» жамоаси Термизда «Андижон» клубини қабул қилиб, 2:2 ҳисобида дуранг ўйнаган эди.
Учрашувнинг 90+4-дақиқасида ҳар икки жамоанинг 4 нафардан футболчиси, шунингдек, «Сурхон» шифокори майдондан четлатилганди. ПФЛ Регламенти (Тартиб-интизом кодекси 5-модда, 2-бўлим, 5.40 банди ҳамда 5-модда, 4-бўлим, 5.37 банди)ни бузгани учун «Сурхон» ва «Андижон» футбол клублари жаримага тортилди.
Мазкур ҳолат Россия ОАВ эътиборини тортди. Россия 24 информацион дастурида ушбу ўйиндаги жанжал ҳақида маълумот берилди ва видеоси кўрсатилди.
