​Рустам Азимов суғурта компаниясига раҳбар бўлди

Аввалроқ Рустам Азимов Бош вазир ўринбосари лавозимини тарк этгани ҳақида хабар бергандик.

Маълум бўлишича, Азимов эндиликда “Ўзбекинвест” экспорт-импорт миллий суғурта компаниясига раҳбарлик қилади.

Айни дамда компания директори сифатида Фахритдин Саидаҳмедов фаолият юритмоқда.

Бугун компаниянинг навбатдан ташқари йиғилишида компаниянинг янги раҳбари таништирилиши кутилмоқда.