Муборак Рамазон ойининг рўзасини ҳар бир инсон синдқидилдан тутишни истайди. Аммо ёзнинг иссиқ кунларида бироз қийинчилик туғдириши табиий. Шундай бўлса-да, озгина эътибор ва қунт билан бу мушкулотни ҳам енгса бўларкан...
Рамазон рўзасида чанқоқ қийнамаслиги учун қуйидагиларга амал қилинг:
1. Саҳарликни икки дона хурмо ва бир стакан илиқ сув билан бошланг.
2. Қовурилган таом ва қанд миқдори кўп ширинликлардан тийилинг.
3. Ифторликдан кейин то уйқуга ётгунингизча оз-оздан суюқлик ичинг. (Камида икки-икки ярим литр). Бу танангизнинг кундалик сувга бўлган эҳтиёжини қондиради ва эртасига кутиладиган чанқашнинг олдини олади.
4. Дастурхонингиздаги таомлар дон маҳсулотларидан, сабзавот ва меваларлардан тайёрланган бўлсин!
Эслатма: Саҳарлик вақтида кўп еб қўйишдан, кўп миқдорда сув ичишдан сақланинг. Чунки бунинг оқибатида кун давомида организмни тонусда ушлаб турувчи минерал тузлар чиқиб кетади.
РЎЗАДА ФОЙДАЛИ...
Унутманг, Рамазон рўзаси нафақат бизнинг танамизни тозалаб, саломатлигимизни мустаҳкамлайди балки руҳимизни, қалбимизни ҳам поклайди. Рўзани мукаммал ва қийинчиликсиз тутиш эса кўп жиҳатдан тановвул қилаётган таомларимизга ҳам боғлиқ. Келинг, ана шундай таомларни биргаликда тайёрлаймиз.
