Мисрнинг жанубий қисмида насронийлар ўтирган автобус жангарилар томонидан ўққа тутилиши оқибатида 23 киши ҳалок бўлди, 25 киши яраланди, деб хабар берди Ria.ru нашри.
Мазкур маълумотни “Ал-Масрий ал-Яум” порталида Миср соғликни сақлаш вазирлигининг расмий вакили Холид Можаҳид ҳам тасдиқлади.
Миср ОАВлари автобуснинг 30 га яқин йўловчиси ҳалок бўлганлигини маълум қилди. Автобусдаги насроний динига мансуб йўловчилар Бени-Суэйф шаҳридан черковга йўл олган эди. Миср ҳарбий кучлари автобусга ҳужум қилинган туманни “тозалаш” ишлари билан шуғулланмоқда.
