Махсус тайёргарликдан ўтмаган, мексикалик қиз оддий шиппак ва аёллар кўйлагида югуриб, 50 километрлик марафон ғолиби бўлди, деб хабар берди Tjournal.ru нашри.
Мексиканинг маҳаллий тараумара миллати вакиласи бўлган 22 ёшли Мария Лорена Рамирес (María Lorena Ramírez) 50 километрлик ультрамарафонда шина резинасидан тайёрланган шиппак ва аёллар кўйлагида югуриб, марафон ғолибига айланди.
Рамирес 50 километрлик масофани 7 соату 3 дақиқада босиб ўтиб, 6 минг песони қўлга киритди. Тараумара халқи дунёдаги энг чопағон одамлар ҳисобланади. Улар оралиқ масофаси узоқ бўлган қишлоқларда яшаганлиги туфайли югуришга мажбурдир. Тараумара халқи ялангоёқ ва қўлдан ясалган шиппаклар ёрдамида юришади ва углеводга бой бўлган, маккажўхоридан тайёрланган пиводан кўп миқдорда истеъмол қилишади.
