Ўзбекистон Давлат хавфсизлик хизмати халқаро террористик ташкилотлар билан боғлиқлиги учун 25 йилдан ортиқ вақт қидирувда бўлган фуқарони ноябрь ойида хорижда ушлаб, мамлакатга қайтарди.
Маълумотларга кўра, у 1999 йилда Ўзбекистондан чиқиб кетиб, Афғонистон, Покистон ва Суриядаги турли террористик гуруҳлар сафида жанговар ҳаракатларда иштирок этган.
Шахс бошқа номга расмийлаштирилган сохта ҳужжатлар билан яшириниб юргани ҳолда МДҲ давлатларидан бирида қўлга олинган.
Унга нисбатан терроризм, ёлланиш ва конституциявий тузумга тажовуз қилиш каби бир қатор моддалар бўйича жиноят иши қўзғатилган. Тергов ҳаракатлари давом этмоқда.
