12 ноябрь куни машҳур хонанда Муниса Ризаеванинг синглиси — Карима Ризаеванинг уйига номаълум эркак гулдаста билан келган. Аёлнинг айтишича, у ўзини ғалати тутган эркакдан шубҳаланиб, эшикни очмаган ва воқеани кузатув камераси орқали қайд этган.
Карима “уйда хавфсизлик тугмаси бор, босилганда икки дақиқа ичида милиция етиб келади” деган. Хабар берилгач, тезкор гуруҳ ҳодиса жойига етиб келиб, эркакни ҳибсга олган. Текширув давомида у илгари гиёҳванд моддалар, босқинчилик ва ўғирлик учун жавобгарликка тортилгани аниқланган.
Карима Ризаева бундай ҳолатлар жиддий хавф туғдиришини таъкидлади:
“Бу эътибор эмас, шахсий хавфсизликка таҳдид. Одамнинг уйига, айниқса тунда, огоҳлантирмасдан келиш мумкин эмас”, — деди у.
