Вазирлик маълумотига кўра, техник кўриклар давомида аниқланадиган камчиликлар лифтнинг “носозлиги”ни англатмайди, балки бу — профилактик назорат жараёнининг бир қисми.
Ҳозирда пойтахтдаги 3 245 та кўп квартирали уйда жами 9 144 та лифт мавжуд. Улардан 1 835 тасининг эксплуатация муддати тугаган бўлиб, 2025–2028 йилларда босқичма-босқич янгиланади. Жорий йилда 452 та лифт аллақачон янгиланган.
Вазирлик барча лифтлар ҳар йили мажбурий техник кўрикдан ўтказилишини ва аниқланган камчиликлар тезкорлик билан бартараф этилишини қўшимча қилди.
