Ўзбекистон шотокан каратэчилари Токиодаги жаҳон чемпионатида 33 та медаль қўлга киритди

Япониянинг Токио шаҳрида шотокан каратэ-до бўйича жаҳон чемпионати бўлиб ўтди. Мусобақада 30 дан ортиқ давлатдан 600 га яқин спортчи иштирок этди.

Ўзбекистон терма жамоаси чемпионатда муваффақиятли иштирок этиб, 15 та олтин, 9 та кумуш ва 9 та бронза медальни қўлга киритди.

Шунингдек, миллий терма жамоа бош мураббийи Хўжамқул Хўжақулов жаҳон шотокан каратэ-до федерацияси ижроия қўмитаси томонидан 8-ДАН қора белбоғ сертификати билан тақдирланди. 7 нафар каратечимиз эса 1-ДАН қора белбоғини олди.