Қозоғистон Республикаси Ташқи ишлар вазирлиги матбуот котиби Айбек Смадияров Европа Иттифоқи томонидан Россия орқали Қозоғистонга санкция қўйилган товарларнинг транзитига тақиқ қўйилгани ҳақидаги маълумотни сохта деб атади. Бу ҳақда "Курсив" нашри хабар бермоқда.
“Мазкур вазирлик ушбу маълумотларга изоҳ бериши керак. Лекин бу маълумотлар сохта эканлигини биламиз”, — деди Смадияров.
Смадияровнинг аниқлик киритишича, маълумот манбаси кўрсатилмаган ва “Европалик ҳамкорлар бундай маълумот йўқлигини айтишмоқда”.
Маълумот учун, Россиянинг ВПостМедиа нашри 7 август куни мақола эълон қилди, унда 2023 йил 1 сентябрдан бошлаб Европа Иттифоқи Россия орқали Қозоғистон, Ўзбекистон ва Қирғизистонга санкция қўйилган товарларнинг транзитини бутунлай тақиқлаши ҳақида хабар берган эди.
