БМТ Инсон ҳуқуқлари бўйича кенгашининг айрим махсус маърузачилари ва мустақил эксперти Лочин йўлаги гўёки Озарбайжон блокадаси остида эканлиги ва “Тоғли Қорабоғ” ҳудудида “танг гуманитар вазият” юзага келганини таъкидлаган. Бу ҳақда Озарбайжон Ташқи ишлар вазирлиги баёнотида айтилади.
“Озарбайжон ҳудудларининг 30 йил давомида босиб олиниши, бир миллионга яқин қочқин ва ички кўчирилганларнинг ҳуқуқлари поймол этилиши, Арманистон қуролли кучларининг мавжудлигига кўз юмаётган БМТ махсус маърузачилари ва экспертлари хавотир уйғотади. Озарбайжон ҳудудларида сўнгги уч йил ичида ички кўчирилганларнинг ўз уйларига қайтишига йўл қўймаслик, Арманистоннинг ҳийла-найрангларига алданиб, баёнотлар беришмоқда”, — дейилади хабарда.
Ташқи ишлар вазирлиги, шунингдек, ушбу шахслар томонидан "Тоғли Қорабоғ" каби иборадан фойдаланишга йўл қўйилмаслигини таъкидлади. Бу Озарбайжон суверенитети ва ҳудудий яхлитлигига ҳурматсизлик, мамлакат ички ишларига аралашиш ва икки томонлама стандартлардан фойдаланишнинг намоён бўлиши таъкидланди.
“Яна бир бор эслатиб ўтмоқчимизки, Арманистон ўз мажбуриятларига зид равишда ўз қуролли кучларини нафақат ерларимиздан тўлиқ олиб чиқмаган, балки уларни Лочин йўли орқали айлантириб, ўқ-дорилар билан таъминлаган, мамлакатнинг табиий бойликларини талон-тарож қилган. Буларнинг барчаси БМТ ва бошқа халқаро ташкилотларда сукут билан кутиб олинди”, — дейилади баёнотда.
Дипломатик департаментнинг қўшимча қилишича, Озарбайжон ҳозирда минтақада барқарор тинчлик ва хавфсизликни таъминлаш учун саъй-ҳаракатларни амалга оширмоқда ва шу мақсадда тинчлик келишуви, чегараларни белгилаш ва алоқаларни очиш бўйича ташаббуслар илгари сурмоқда.
“Бу саъй-ҳаракатларни қўллаб-қувватлаш ўрнига нохолис баёнотлар жараёнга ижобий таъсир кўрсатмайди”, деб хулоса қилди Озарбайжон ТИВ.
