Испаниянинг “Барселона” жамоаси дарвозабони Марк-Андре тер Штеген клуб машғулотларига қайтди. Бу ҳақда каталонияликлар расмий сайтида хабар қилинмоқда.
Германиялик посбони жароҳати туфайли “Алавес”га қарши (1:2) Испания чемпионати 3-турини ўтказиб юборганди. Унинг ўрнига ёзда харид қилинган Япсер Силессен майдонга тушганди.
Тер Штеген “Селтик” клубига қарши ЕЧЛ гуруҳ босқичи илк ўйинининг қайдномасига киритилган ва ўйинда иштирок этиши мумкин.
