Ҳудудларнинг ҳуқуқ устуворлиги индексини аниқлаш бўйича “Ҳуқуқ устуворлиги” автоматлаштирилган ахборот тизими ишга туширилди. Бу ҳақда Адлия вазирлиги хабар берди.
Хабарда айтилишича, мазкур тизим орқали ҳудудларнинг ҳуқуқ устуворлиги индексини аниқлаш 7 та асосий йўналиш ва 32 та индикаторлар асосида 60 га яқин давлат органлари ва идоралари, маҳаллий давлат ҳокимияти органлари, айрим фуқаролик жамиятининг институтлари томонидан шакллантирилган 85 мингдан ортиқ статистик маълумотлар, 23,5 минг нафар аҳоли, тадбиркорлар ҳамда экспертлар ўртасида ўтказилган ижтимоий сўровларнинг натижалари таҳлил қилинди.
2020 йилда ҳокимликларда жами 37,8 мингта мажлисларнинг қарийб 89%да ОАВ вакиллари иштироки таъминланмаган, журналистларнинг 66%и ҳокимликларнинг мажлислари етарлича очиқ эмаслигини таъкидлашган.
