Айни дамда Олий Мажлис Сенатининг йигирма учинчи ялпи мажлиси жараёнлари бўлиб ўтмоқда. Мажлисда Олий Мажлис Сенати Раиси Танзила Нарбаева Ўзбекистоннинг халқаро рейтинглардаги ўрни ҳақида гапирди.
"Амалга оширилган изчил ислоҳотлар натижасида нуфузли халқаро рейтингларда мамлакатимиз ўрни яхшиланишига эришилди.
Иқтисодий эркинлик индексида мамлакатимиз 44 поғона юқорилаб, 108-ўринни эгаллади.
Ҳуқуқ устуворлиги индекси бўйича 14 поғона юқорилаб 85-ўринга кўтарилди. Ўзбекистон бу борада энг яхши натижа кўрсатган 3 та давлатдан бирига айланди.
Глобал инновацион индексда Ўзбекистон 7 поғонага кўтарилиб, 132 та давлат орасида 86-ўринни эгаллади ва энг жадал юқорилаган мамлакатлар топ 10 талигига кирди",–дейилади Сенат Раиси нутқида.
