Кеча, 1 декабрь куни соат 22:18 да Шайхонтоҳур тумани, Жарариқ кўчасида жойлашган хонадонлардан бирида ёнғин келиб чиқди. Бу ҳақдаги видеолар ижтимоий тармоқларда кенг тарқалди.
ФВВнинг хабар беришича, ҳолат содир бўлган вақт 4 та ёнғин қутқарув техникалари воқеа жойига етиб борган ва роппа-роса 29 дақиқада ёнғин тўлиқ ўчирилган.
Қайд этилишича, ёнғин натижасида хонадоннинг тахминан 200-250 кв.м майдони зарарланган.
Бирламчи маълумотларга кўра, жабрланган ва ҳалок бўлган фуқаролар йўқ.
"Ҳозирда ёнғиннинг келиб чиқиш сабаблари ва моддий зарар миқдори аниқланмоқда",-дейилади хабарда.
