Одам савдоси инсон шаъни, қадр-қиммати, келажагига таҳдид соладиган трансмиллий жиноятчиликлардан бири бўлиб, у ўзининг исканжасига асосан ёшлар ва аёлларни тортаётганлиги билан барчада катта ташвиш ва ҳавотир уйғотмоқда.
Самарқандда ўтказилган тезкор тадбир натижасида ана шундай одам савдоси жиноятининг олди олинди.
Тезкор тадбирда Самарқанд тумани "Янги ҳаёт" маҳалласида яшовчи 32 ёшли хусусий такси ҳайдовчиси ушланган. У 44 ёшли аёлни шаҳвоний мақсадларда фойдаланиш учун Туркияга жўнатмоқчи бўлиб, аёлдан 1,500 доллар миқдордаги пулларни олган вақтида ашёвий даллар билан ушланди.
