Yosh aktyor Yigitali Mamajonovning kino san`atiga kirib kelishi qaysidir ma`noda yangilik bo`ldi.
Lekin uning qiyofasi, o`zini tutishi, imidji va mimikasi ko`proq hind kino san`ati qiroli Shoxruxxonni eslatib yuboradi. Balki Yigitali aslida ham Shoxruxxonga taqlid qilar?
Hozircha, Yigitali Mamajonov unchalik ko`p filmlarda suratga tushgani yo`q. Ammo u har bir filmda o`ziga topshirilgan obraz xarakterni imkon qadar ishonarli ijro etishga harakat qilyapti. Hozir aktyor qanday ijodiy ishlar bilan bandligi haqida ma`lumot bersangiz.
Gulnora Abdieva, Samarqand viloyati
Tahririyat:
Yigitali Mamajonov bilan bog`lanib, muxlisning savoliga javob oldik.
Yigitali Mamajonov, aktyor: — Rejissyorlardan Ayub Shahobiddinov bilan yangi bir film ustida ish boshlayapmiz. Film nomi hozircha sir. Qolaversa, hozirgi paytda yana bir necha rejissyorlardan takliflar bo`lyapti, ular orasidan ma`qulini tanlab suratga tushishni rejalashtiryapman. Shohruhxonga taqlid borasidagi savolingizga kelsak, ochig`i men hech kimga taqlid qilmaganman. Hind filmlarini esa umuman tomosha qilmayman. Faqat Gollivud filmlarini ko`raman.
