2015 yilning noyabr oyida 37 yoshli T.A., Xalq Respublikasi fuqarosi 43 yoshli A.Z. bilan tanishib, A.Z.ning ishonchiga kirib, o`zaro birgalikda XXRdan O`zbekistonga sitrus mevalarni ekspert qilish bo`yicha kelishuvga erishgan. Bu haqda O`zbekiston Respublikasi IIV huzuridagi Tergov departamenti xabar berdi.
Shu tariqa, 2016 yilning yanvar oyigacha A.Z. tomonidan yuborilgan umumiy bahosi 1.201.082.400 so`m (126.000 AQSh dollari) ga teng bo`lgan sitrus meva mahsulotlarini O`zbekiston hududida qabul qilib olishga erishib, mahsulotning bir qismi ya`ni 616.746.280 so`m (64.700 AQSh dollari) pullarni A.Z.ga bergan.
Hamda mahsulotlarni ichki bozorlarda sotib, qolgan 584.336.120 so`m (61.300 AQSh dollari) miqdoridagi pullarni hozirgi kunga qadar qaytarib bermasdan, o`zining shaxsiy ehtiyojlariga sarflab yuborgan.
Mazkur holat yuzasidan A.Z.ning arizasiga asosan darhol 2020 yilning 21 yanvar kuni Andijon shahar IIO FMB huzuridagi Tergov bo`limi tomonidan O`zbekiston Respublikasi Jinoyat kodeksining 168-moddasi 3-qismi “a” bandi (firibgarlik) bilan jinoyat ishi qo`zg`atilgan. Hozirda T.A. gumon qilinuvchi tariqasida ishda ishtirok etishga jalb qilingan.
Dastlabki tergov harakatlari davom ettirilmoqda.
