2020 yil 15 yanvar kuni Toshkent shahri delegasiyasi Guanju shahri Savdo sanoat palatasi tomonidan tashkillashtirilgan biznes forumda ishtirok etdi.
Forumda so`zga chiqqan Toshkent shahar hokimining o`rinbosari Sharof Rahmonov yig`ilganlarga O`zbekiston poytaxtida amalga oshirilayotgan investisiya loyihalari hamda shaharning investision salohiyati haqida ma`lumot berdi.
Hokim o`rinbosari o`z nutqida poytaxtimizda kichik biznes va tadbirkorlik tobora rivojlanib borayotgani, Toshkentda ishlab chiqarish, xizmat ko`rsatish ko`rsatkichlari yuqori ekanligi, turistlar uchun ham imkoniyat va qulayliklar ko`payib borayotganligiga e`tibor qaratdi.
Forumda ishtirok etgan xitoylik tadbirkorlar Toshkentda amalga oshirilayotgan biznes loyihalarida hamkor sifatida ishtirok etishga qiziqish bildirdilar.
Tadbir doirasida ikki tomon vakillari o`zlarini qiziqtirgan savollarga javob oldilar va o`zaro munosabatlar istiqbollari borasida fikr almashdilar
