UzReport axborot agentligining xabariga ko`ra, 2014 yili O`zbekistonda 4,4 mln tonna ko`mir qazib olindi hamda investisiya dasturiga muvofiq, ushbu tarmoqqa yo`naltirilgan 123 mlrd 700 mln so`mlik kapital qo`yilmalar o`zlashtirildi, deb yozadi uz24.uz nashri.
Ayni paytda O`zbekistonda ko`mir qazib olish bilan “O`zbekko`mir” OAJ, “O`zbekenergo” DAK, “Sharg`unko`mir” OAJ va “Apartak” MChJ korxonalari shug`ullanadi. Qazib olingan ko`mirning umumiy miqdoridan3 mln. 989 ming 586 tonnasi “O`Zbekko`mir” aksiyadorlik jamiyati hissasiga (rejada- 4 mln.100 ming tonna), 300 ming 39 tonnasi “Apartak” MChJ (rejada - 250 ming. tonn), , 107 ming 210 tonnasi esa “Sharg`unko`mir” aksiyadorlik jamiyati (rejada -36 ming. tonna. ulushiga to`g`ri keladi.
Mamlakatimiz energetika sektorida ko`mir ulushini ko`paytirish muhimligi hisobga olingan holda, hukumatimiz tomonidan “Ko`mir sanoati tarmog`ini 2019 yilgacha rivojlantirish” Dasturi tasdiqlandi. Unga binoan yangi ilg`or texnologiyalar joriy etish, ishlab chiqarish jarayonlarini takomillashtirish, mavjud quvvatlarni modernizasiya qilish, texnik hamda texnologik yangilash va kengaytirishga qaratilgan qator investisiya loyihalarini hayotga joriy etish rejalashtirilmoqda. Dasturning amalga oshirilishi 2019 yilgacha ko`mir qazib olish hajmini 8,1 mln.tonnagacha oshirish imkonini beradi.
Ko`mir sanoatini rivojlantirishning bosh omili sifatida ichki bozorda elektr energiyasi ishlab chiqarishda foydalaniladigan tabiiy gaz va neft mahsulotlarining o`rnini bosish, O`zbekiston energetika balansida ko`mirning ulushini ko`paytirish yotadi.
Ko`mir yoqilg`isining asosiy iste`molchisi elektroenergetika tarmog`i bo`lib, uning ulushiga ko`mir iste`molining umumiy ko`rsatkichidan 85 foizi to`g`ri keladi. Shuningdek, sanoat korxonalari, ijtimoiy va kommunal soha va aholida ham ko`mirga talab katta.
