24-25-26 dekabr kunlari Tashkent City bog`ida Qorbobo va Qorqizlar festivali bo`lib o`tadi.
Ular animatorlar bilan birgalikda tadbirga keluvchi mehmonlarga quvonch ulashadilar. Archa atrofida Qorbobo va Qorqizlar juda ko`p bo`lishi kutilmoqda. Ular bilan suratga tushish hamda bayramona kayfiyatni his etish mumkin bo`ladi.
Bog` bo`ylab QVZ jamoalari, bolalar ijodiy guruhlari va mamlakatimizning eng yaxshi didjeylari o`z ko`ngilochar dasturlarini taqdim qiladilar, deya xabar beradi Toshkent shahar hokimligi matbuot xizmati.
