O`zbekiston Respublikasi Oliy Majlisi Senati Raisi Tanzila Narbaeva poytaxtimizning 645-saylov uchastkasiga tashrif buyurib, Oliy Majlis Qonunchilik palatasi, xalq deputatlari Toshkent shahar Kengashi va poytaxtimiz Shayxontahur tuman Kengashi deputatlari saylovi bo`yicha o`zi munosib deb bilgan deputatlikka nomzodlar uchun ovoz berdi.
“Saylovlar ilk bor xalqaro standartlar asosida ishlab chiqilgan yangi Saylov kodeksi asosida tashkil etildi. Fuqarolarning saylovda faol ishtirok etayotgani ularning o`z Vatani taqdiriga daxldorlik hissi yuksalganligidan dalolat berib turibdi", deydi Tanzila Narbaeva.
