O`zbekiston Respublikasi Prezidenti Shavkat Mirziyoev 19 fevral kuni Sirdaryo viloyatining Sirdaryo tumaniga tashrif buyurdi. Bu haqda Prezident matbuot xizmati xabar berdi.
Davlatimiz rahbari bu erda "Sirdaryo universal oyna" korxonasi faoliyati, farmasevtika va oziq-ovqat tarmoqlari uchun shisha idishlar ishlab chiqarish jarayoni bilan tanishmoqda.
"Tashrif davomida Xovos va Mirzaobod tumanlari, Yangier va Guliston shaharlariga borish, sanoat, qishloq xo`jaligi, qurilish sohalarida amalga oshirilgan ishlarni ko`zdan kechirish rejalashtirilgan", - deyilgan xabarda.
