Muhtaram Prezidentimiz tashabbuslari asosida mamlakatimizda amalga oshirilayotgan yoshlarga oid davlat siyosati muhim jarayon. Tabiiyki, bu jarayonda yoshlar masalasida tegishli har qanday islohot ahamiyatli.Kecha erta tongdan O`zbekiston yoshlar ittifoqi tashabbusi bilan Jizzax viloyatida start olgan «Yoshlar haftaligi»ni ham islohotlarning davomi sifatida hududda istiqomat qilayotgan yoshu keksa munosib kutib oldi.
Haftalik qadimiy an`anaga muvofiq, nafaqat Jizzax viloyatining balki, mamlakatning gullab yashnashiga o`zining munosib hissasini qo`shgan, og`ir va murakkab davrda xalq farovonligi yo`lida fidoyi xizmat qilgan inson, yozuvchi Sharof Rashidov xotirasini yod etib, poyiga gulchambar qo`yish marosimi bilan boshlandi.
Shundan so`ng, fan, ta`lim, madaniyat sohasi vakillari, tajribali psixologlar, sport ustalari hamda nufuzli Davlat mukofotlaridan tarkib topgan Respublika Ishchi guruhi a`zolari yo`nalishlarga bo`lingan holda Zomin tomon yo`l olishdi.
Zomin tumanida barcha yoshlar sport musobaqalari atrofida birlashdi. Sportning qator turlari bo`yicha musobaqalar tashkil etildi.
Ma`lumki, joriy yilning 5-mart kuni davlatimiz rahbarining «Jismoniy tarbiya va sport sohasida davlat boshqaruvi tizimini tubdan takomillashtirish chora-tadbirlari to`g`risida»gi farmoni qabul qilingan edi. Farmonga muvofiq, ilgarigi davlat qo`mitasi va uning hududiy bo`linmalari negizida O`zbekiston Respublikasi Jismoniy tarbiya va sport vazirligi tashkil etilib, uning vazifa va vakolatlari kengaytirildi.
Sportchilarni tanlab olish – seleksiya ishlarini takomillashtirish bo`yicha yangi tizim joriy etilib, bu o`zining dastlabki natijalarini bera boshladi.
Avgust-sentyabr oylarida Indoneziyada o`tkazilgan Osiyo o`yinlarida sportchilarimiz 21 ta oltin, 24 ta kumush va 25 ta bronza – jami 70 ta medalni qo`lga kiritdi. Mamlakatimiz oltin medallar soni bo`yicha 5-o`rinni egallagani o`zbek sporti tarixida eng yaxshi natija bo`ldi.
Shuning uchun bugungi kunda sport kattayu kichikning eng sevimli mashg`ulotlaridan biri hisoblanadi. Jizzax viloyatida ham ko`plab aholi o`zining sportsevarligini, jismoniy tarbiyaga ishtiyoqi baland ekanligini ko`rsatishdi.
Birinchi kundanoq Zomin tumani va Jizzax shahrining markaziy ko`chalarida mahalla yoshlari ishtirokida 5 km masofada salkam 1000 nafar yoshlar ishtirokida marafon o`tkazildi.
Bolalar va o`smirlar sport maktablarida qo`l to`pi, voleybol, basketbol, futbol, shaxmat-shashka, stol tennisi, gimnastika, armrestling, tosh ko`tarish, kurash, boks, suzish sport turlari bo`yicha 2 425 nafar yoshlar ishtirokida musobaqalar tashkil etildi.
Bu borada, ayniqsa, sport tadbirlariga yoshlarning qiziqishi yuqori. Tuman-shaharlar markazlari va chekka-chekka qishloqlarda 23 ta sport olimpiya, noolimpiya hamda milliy sport turlari bo`yicha musobaqalar tashkil etildi. Futbol, basketbol, voleybol, stol tennisi, yugurish, kurash, shashka va shaxmat, suzish, dzyudo, kikboksing, tosh ko`tarish, qo`l to`pi arqon tortish va boks musobaqalari doirasida 2 328 nafar yosh qamrab olindi.
Eslatib o`tamiz, hozirgi kunda viloyatda 542 ta umumiy o`rta ta`lim muassasalari, jumladan, 78 ta akademik lisey, 2 ta oliy ta`lim muassasalari mavjud bo`lib, 30 yoshgacha bo`lganlar soni 450 ming nafardan ortiq.
Ta`kidlash joizki, ushbu haftalik yoshlarni vatanparvarlik ruhida tarbiyalash, vatanni sevish, sadoqatli bo`lish kabi fazilatlarni shakllantirish, yoshlar o`rtasida huquqbuzarliklar va jinoyatchilikning oldini olish, ularni yot g`oyalardan asrash, sportga bo`lgan qiziqishlarini yanada orttirish, yosh oilalar ajrimlarining oldini olish, barkamol avlodni ijtimoiy, ma`naviy va moddiy qo`llab-quvvatlash borasida muhim ahamiyat kasb etmoqda.
Haftalik doirasidagi sport musobaqalarida qatnashib g`oliblikni qo`lga kiritgan yoshlar O`zbekiston yoshlar ittifoqi va homiylarning turli sovg`alari, diplomlari bilan taqdirlanishdi.
Barcha yo`nalishlar singari haftalikning ilk kunidanoq yoshlar bandligini ta`minlash maqsadida Jizzax shahrida «Yoshlar mehnat yarmarkasi» tashkil etildi. Unda 16 ta tashkilot o`zining78 ta bo`sh ish o`rinlari bilan ishtirok etdi. Mazkur yarmarka davomida 22 nafar yosh ishga joylashtirildi.
Shuni alohida ta`kidlash joizki, shu bugunga qadar ta`lim muassasalari sardorlari va mas`ul idoralar vakillari tomonidan bu tartibda ishlar amalga oshirilmagan.
Ta`kidlash joizki, ushbu haftalik yoshlarni vatanparvarlik ruhida tarbiyalash, vatanni sevish, sadoqatli bo`lish kabi fazilatlarni shakllantirish, yoshlar o`rtasida huquqbuzarliklar va jinoyatchilikning oldini olish, ularni yot g`oyalardan asrash, sportga bo`lgan qiziqishlarini yanada orttirish, yosh oilalar ajrimlarining oldini olish, barkamol avlodni ijtimoiy, ma`naviy va moddiy qo`llab-quvvatlash borasida muhim ahamiyat kasb etmoqda.
Haftalik doirasidagi tadbirlar davom etadi.
