Ushbu muzey ichki ishlar organlari xodimlarining xizmati, mashaqqatli faoliyati bilan aholini yaqindan tanishtirishga xizmat qiladi.
Bunday muzey dastlab 1974 yilda tashkil etilgan. Lekin muzeyning vazirlik hududida qayta rekonstruksiya qilingan binoga ko`chirilishi uning faoliyatida yangi davrni boshladi.
Ichki ishlar vazirligi binosida joylashgan yangi muzey keng jamoatchilik uchun ochiq bo`lib, dushanbadan jumagacha ishlaydi.
Vatanimiz mustaqilligining 27 yilligi munosabati bilan Vazirlar Mahkamasining qaroriga muvofiq tashkil etilgan muzeyda soha tarixi, tizimda fidoyilik bilan xizmat qilgan xodimlar, xizmat jarayonida qo`llanib kelingan texnika vositalari o`rin olgan.
Muzey Ichki ishlar vazirligi hududida joylashganligi sababli tashrif buyuruvchilar oldindan ro`yxatni taqdim etishlari talab etiladi.
