Yaponiya poytaxti Tokioda 2020 yilgi Yozgi Olimpiada o`yinlariga tayyorgarliklar boshlab yuborilgan.
Tokioning sport va madaniyat tadbirlarini tashkillashtiruvchi kompaniyasi 2020 yilgi Yozgi Olimpiada o`yinlari vaqtida g`ildirakli masjid tashkillashtirishni ko`zlamoqda.
“Yaponiyada masjidlar ko`p emas. Musulmonlarga bu noqulaylik tug`dirishi mumkin. Harakatlanuvchi Masjid esa ayni muddao. Maqsad Olimpiya o`yinlariga keluvchi musulmon mehmonlar uchun sharoit yaratishdir. Biz Yaponcha “Omotenashi”ni (mehmondo`stlik) namoyon etmoqchimiz”, deydi tashkilotchilardan bo`lgan Yasuxari.
Masjidli mashinalar ichi 48 metr kvadrat maydonni tashkil etadi va u o`ziga 50 kishini sig`dira oladi. Mashinada tahorat olish uchun qulayliklar ham mavjud. Masjidli mashina ilk bor shu hafta J – Liga futbol o`yinlari uchrashuvida musulmon futbol ishqibozlariga “xizmat qilgan”.
Hozirda Yaponiyada 200 mingga yaqin musulmonlar istiqomat qiladi.
