O`zbekistonda 10 sentyabrdan boshlab telefon raqamlari terishning yangicha tartibiga o`tadi. Dastlab ushbu tartib faqat Toshkent shahri telefon raqamlari uchun ishga tushiriladi, deb xabar qilmoqda O`zbektelekom.
“Hurmatli abonentlar!
O`zbekistonda mobil va mahalliy aloqa abonentlarining soni jadal sur`atlarda o`sib, odatiy etti xonali raqamlar soni kamayib bormoqda. Etti xonali raqamli telefon tizimining sig`imi etarli bo`lmaganda Xalqaro elektraloqa ittifoqi ko`p sonli tizimga o`tishni tavsiya qiladi”, - deyilgan xabarda.
10 sentyabrdan boshlab telefon aloqasidan foydalanganda quyidagilarga e`tibor bering:
- Abonent raqami noto`g`ri terilganda ovozli pochta operator raqamini to`g`ri terish haqida xabar eshittiriladi;
- Raqam qaysi operatorga tegishli ekanini bilish uchun www.rtmc.uz sayti yoki @uztbmbot telegram boti bilan ulanish mumkin;
- “O`zbektelekom” AJ hududiy filiallarining telefon raqamlarini terish vaqtincha o`zgarishsiz qoldiriladi;
- Favqulodda xizmatlarni chaqirish tartibi - 101, 102, 103, 104, 1050 hamda 4 xonali qisqa raqamli xizmatlardan foydalanish tartibi o`zgarishsiz qoldiriladi;
- Xalqaro telefon raqamlarini terish tartibi o`zgarmaydi: + xorijiy davlat kodi va hokazo yoki + 998-xxxxxxxxx
