Bu erda gap aynan Janubiy koreyalik jurnalistlar haqida ketmoqda. Pxungeridagi yadro poligonining rasmiy yopilish marosimida ishtirok etadigan har bir OAV vakili 10 ming dollarni viza to`lovi sifatida taqdim etishi lozim.
“Shimoliy Koreyaning Xitoydagi elchixonasi Koreya Respublikasiga tegishli har bir jurnalist uchun 10 ming dollardan viza to`lovi talab qilgan. Shu bois Janubiy Koreya o`z OAV vakillarini Pxungeridagi yadro poligonining rasmiy yopishish marosimiga jo`natmasligi mumkin” degan TASSning ism-sharifi va lavozimi oshkor etilmagan suhbatdoshi.
Avvalroq, Pxenyan Pxungeridagi yadro poligonining rasmiy yopilish marosimiga taklif etilgan (ular safida Koreya Respublikasining 8 nafar jurnalisti ham bor) ning sarf-harajatlarni KXDR zimmasida ekanini ma`lum qilgan edi. Xususan, Janub va Shimol o`rtasida diplomatik munosabatlar yo`qligi uchun koreyalik OAV vakillarining viza va boshqa zarur hujjatlari KXDRning Xitoydagi elchixonasi orqali rasmiylashtirish rejalashtirilgan bo`lgan.
Eslatib o`tamiz, 23-25 may oralig`ida bo`lib o`tishi rejalashtirilgan Pxungeridagi yadro poligonining rasmiy yopilish marosimida Janubiy Koreya, Xitoy, AQSh, Buyuk Britaniya va Rossiya jurnalistlari ishtirok etishi kutilayotgan edi.
21.05.2018 07:40
Shimoliy Koreya har bir jurnalistdan 10 ming dollar talab qilmoqda
