Osiyo taraqqiyot banki 2018 — 2020 yillarda O`zbekistonga 2,29 milliard AQSh dollari miqdorida kredit ajratishni rejalashtirmoqda.
OTB 2018 — 2020 yillarga mo`ljallangan O`zbekiston uchun biznes-rejani qabul qilgan.
Unga ko`ra, OTB O`zbekistonga 1,54 mlrd. AQSh dollari miqdorida va Osiyo taraqqiyot jamg`armasining imtiyozli mablag`laridan 750 mln. AQSh dollari miqdorida kredit berishni rejalashtirmoqda.
Jumladan, Osiyo taraqqiyot banki O`zbekistonning energetika sohasini modernizasiya qilish uchun 750 million dollar ajratadi. Mazkur mablag` issiqlik va gidroelektrostansiyalar, shuningdek, elektr uzatish liniyalarini qayta tiklashga yo`naltiriladi.
Yana 793 million AQSh dollari transport infratuzilmasi va suv ta`minoti tizimlarini qurishga yo`naltiriladi.
OTB qishloq va qishloq xo`jaligini rivojlantirish uchun 400 million AQSh dollari ajratishni rejalashtirmoqda.
Bulardan tashqari, OTB sog`liqni saqlash tizimini rivojlantirishga 45 million, moliyaviy sektorni qo`llab-quvvatlash va rivojlantirish uchun 400 million AQSh dollari ajratishni ko`zlamoqda.
OTB, shuningdek, O`zbekistonga energetika va moliya hamda suv ta`minoti sohalaridagi loyihalar uchun qo`shimcha yana 660 million AQSh dollari ajratishi mumkin.
