Hindistonlik jarrohlar ruhiy xastalikka chalingan yigitning oshqozonidan 600 dan ortiq mixni olishdi. Kamdan-kam holatda uchraydigan bunday jarrohlikni Kalkuttadagi tibbiyot kollejining shifokorlari amalga oshirdi.
Bemor qornidagi kuchli og`riqlardan keyin shikoyat qilgan. Kasalxonada ultra tovush tekshiruvi o`tkazilganda bemorning oshqozoni mixga to`laligi aniqlangan. Shundan so`ng bemorni jarrohlikka tayyorlashdi.
Jarroh Siddxartxa Bisvasning aytishicha, bemorning oshqozoni uzunligi 2 sm bo`lgan mixlarga to`lib shishgan edi. Shifokorlar jarrohlini juda ehtiyotkorlik bilan olib borishgan. Oshqozondan mixlarni olish uchun ular magnitdan foydalanishdi. Jarrohlik bir kechayu kunduz, ya`ni 24 soat davom etdi.
Yigitning qarindoshlaridan biri jurnalistlarga bemorning aqli zaifligi, har narsani yutib yuborish odati borligi haqida gapirib berdi.
Jarrohlik muvaffaqiyatli o`tdi, bemorning ahvoli barqaror deya ma`lum qilindi.
