AsosiyJamiyat

“Lukoyl” O`zbekiston neft-gaz kompleksiga $5 mlrd investisiya kiritadi

«Lukoyl neft kompaniyasi» ochiq aksiyadorlik jamiyati O`zbekiston neft-gaz kompleksiga to`g`ridan-to`g`ri investisiyalari 3 milliard 200 million AQSh dollarini, joriy yilning to`qqiz oyi yakunlari bo`yicha esa qariyb 500 million dollarni tashkil etdi.   
 
Bu haqda kecha Oqsaroyda O`zbekiston Respublikasi Prezidenti Islom Karimovning «Lukoyl neft kompaniyasi» ochiq aksiyadorlik jamiyati prezidenti Vagit Alekperov bilan uchrashuvi paytida ma`lumot berildi.
 
Ayni paytda “Lukoyl” kompaniyasi O`zbekistonda uchta istiqbolli loyihani amalga oshirmoqda. Xususan, Mahsulot taqsimoti to`g`risidagi bitim doirasida Havzak, Shodi, Qo`ng`irot uchastkalari hamda Qandim konlar guruhida geologiya-qidiruv ishlari o`tkazildi va natijada 18,5 milliard kub metr gaz qazib olindi. Hisor hududi konlarida olib borilgan ishlar natijasida 368,5 ming tonna neft va 2 milliard kub metr tabiiy gaz qazib olindi.
 
“Lukoyl” Investorlar konsorsiumi tarkibida Orol bloki hududida geologiya-qidiruv ishlarini olib bormoqda. Bu ishlar samaradorligi qimmatbaho xomashyo qazib olish hajmining o`sib borayotganida namoyon bo`lmoqda.
 
Kompaniyaning yaqin 5 yildagi investisiya dasturi qariyb 5 milliard dollarni tashkil etadi.
 
 

    Boshqa yangiliklar