Qozog`iston tashqi ishlar vazirligi misrlik hamkasblaridan olti nafar qozog`istonlik talabani qidirib topishda yordam so`radi, deb xabar berdi Vesti.ru nashri.
Qozog`iston respublikasi TIV matbuot xizmati boshlig`i Anuara Jaynakovaning ma`lumot berishicha, 11 iyul kuni Abilayxon nomli universitetning ikki nafar magistrant-talabasi til o`rganish maqsadida ikki oylik kursda o`qish uchun Qohiraga kelgan. Ular mazkur o`quv muassasada ta`lim olayotgan to`rt nafar talaba bilan birga yashagan. Ularning hammasi 20 iyuldan beri aloqaga chiqmagach, o`sha kundan boshlab qidiruv ishlari boshlandi.
