Hozirgi paytda muvaffaqiyatsiz plastik operasiyadan keyin tushilgan fotosuratlar bilan ijtimoiy tarmoq foydalanuvchilarini hayratga solish qiyin masala, deb yozadi Lemurov.net nashri.
Ammo bu safar mazkur suratlarni tomosha qilsangiz, unda aks etgan ayol afg`onistonlik ekanligini bilib, hayratdan yoqa ushlaysiz. Bu mamlakatda ayollarga bo`lgan munosabatning qay ahvoldaligi hammaga besh qo`lday ayon.
G`alati tashqi ko`rinishga ega bo`lgan mazkur afg`onistonlik ayol Instagram ijtimoiy tarmog`ida juda mashhurdir. Uning 40 000 nafar kuzatuvchisi bo`lib, ularning soni soat sayin oshib bormoqda. Uning suratlarini ilk marotaba tomosha qilgan odam ularni fotoshop, deb o`ylashi tabiiy hol. Aslida esa u hayotda haqiqatan shu ko`rinishga egadir.
Bloger ayol odamni dahshatga soluvchi tashqi qiyofasi aks etgan suratlardan tashqari o`z sahifasiga Afg`onistonning chiroyli tabiat manzaralari aks etgan fotosuratlarni ham joylashtiradi. Internet “yulduzi” Afg`onistonning sharqona usulda barpo etilgan me`morchilik obidalari bilan faxrlanishi haqida izohlar qoldiradi.
