“Paxtakor” gruziyalik mutaxassis Shota Arveladze bilan bir yarim yillik shartnoma imzoladi.
Kecha, 23 iyun kuni “Paxtakor” stadionida o`tgan anjumanda gruziyalik afsonaviy to`purar, bungacha Turkiya hamda Isroil klublarida faoliyat ko`rsatgan Shota Arveladze “Paxtakor” bilan shartnomaga imzo chekdi. U jamoani bir yarim yil mobaynida boshqaradi.
Klub bosh direktori Dmitriy Adisman bu kelishuv xususida shunday ta`kidladi:
- “Paxtakor” juda katta va tarixga ega bo`lgan jamoa. Shota Arveladze esa “Oltin harf”larga bo`yalgan jamoani o`z qo`liga olmoqda. U bu jamoaga kelguncha Evropada ishlagan. Demak, u evropacha uslubni jamoaga kelib kelishiga ishonamiz. Arveladze bilan bir yarim yillik shartnomaga imzo chekildi.
