Amerikalik olimlar — Luis Ankordoki, Susanna Veber, Xorxe Sorianolar Somon Yo`lida erliklar bilan aloqaga chiqishi mumkin bo`lgan o`zga sayyoraliklar sivilizasiyasi mavjudligini aniqladi, deb xabar berdi Tengrinews.kz nashri.
Mutaxassislar galaktika miqyosida, ya`ni Quyoshdan o`n kiloparsek chetda joylashgan, Somon Yo`li aylanasi raidiusida kamida bitta, Erdagi kabi kommunikasion vositalarga ega o`zga sayyoraliklar sivilizasiyasi borligini aniqladi. Tadqiqot natijasida sivilizasiya mavjud, aloqaga chiqishi mumkin bo`lgan sayyoralar samo jismlarning paydo bo`lishi bilan bog`liq ekanligi ma`lum bo`ldi. Ularda hayotning mavjudligiga kuchli gamma-chayqalishlar xavf solishi mumkin. Olimlar mazkur sivilizasiyalarni o`rganish maqsadida fazoviy rasadxonalarda parvozga tayyorlanayotgan TESS (Transiting Exoplanet Survey Satellite) va JWST (James Webbb Space Telescope)larga katta umid bog`lamoqda.
