Angliya terma jamoasi darvozaboni Jo Xart faoliyatini Londonning “Vest Xem” klubida davom ettirishi mumkin, deb xabar bermoqda Sky Sports.
“Bolg`achilar” transfer huquqi “Manchester Siti”ga tegishli Jo Xart bilan bir yillik ijara shartnomasi imzolashni rejalashtirgan. Ayni vaqtda muzokaralar olib borilmoqda.
Avvalroq “Milan” jamoasi angliyalik posbonni o`z safiga qo`shib olmoqchi ekani haqida xabar berilgandi.
Eslatib o`tamiz, Jo Xart o`tgan mavsumni ham “A” Seriya vakili – “Torino” jamoasi safida ijara asosida to`p surgan edi.
