Shavkat Mirziyoyev tomonidan 25-mart kuni qabul qilingan "Toza havo" umummilliy loyihasi doirasida Toshkent shahri va viloyatida namlik past hududlarga maxsus uskunalar o‘rnatish orqali sun’iy yomg‘ir chaqirish amaliyoti yo‘lga qo‘yiladi. Loyihani 2027-yil 1-oktabrgacha amalga oshirish belgilangan.
Mazkur texnologiya orqali havodagi chang va zararli moddalarni kamaytirish, atmosfera sifatini qisqa muddatda yaxshilash, shuningdek, qurg‘oqchilik sharoitida namlikni oshirish ko‘zda tutilgan.
Hujjatga muvofiq, loyihani amalga oshirish Ekologiya qo‘mitasi, O‘zbekiston Fanlar akademiyasi hamda Oliy ta’lim vazirligi zimmasiga yuklatilgan. Ularga xalqaro tajribani o‘rganib, samarali yechimlarni joriy etish vazifasi qo‘yilgan.
