Rossiya Federasiyasi Prezidenti Vladimir Putin O`zbekistonning yangi saylangan Prezidenti Shavkat Mirziyoevni g`alaba bilan qutladi.
Vladimir Putin Prezidentimizni ishonchli g`alaba bilan qutlab, unga yuksak davlat lavozimida omad tiladi.
Rossiya rahbari har sohadagi ikkitomonlama ittifoqdoshlik hamda strategik hamkorlik munosabatlarini kelgusida yanada rivojlanishi va mustahkamlanishiga ishonch bildirdi.
Vladimir Putin O`zbekiston Respublikasi Prezidentini Rossiyaga rasmiy tashrif amalga oshirishga taklif qildi; taklif minatdorlik bilan qabul qilindi.
Rossiya prezidenti shuningdek Shavkat Mirziyoevga tabrik telegrammasini yubordi.
