Italiyaning Peskara shahrida kuchli suv toshqini tufayli avtomobil yo`li tunneli qulab tushdi, bu esa transportlar harakatida tartibsizlikka olib keldi. Bu haqda zamon.uz xabar bermoqda.
O`sha paytda tunneldan o`tib ketayotgan mashina yiqilib tushgan vayronalarni chetlab o`ta olmay ularga borib urilgan.
Baxtli tasodif tufayli haydovchi deyarli jarohat olmadi. Har ikki yo`nalishda ham harakat yopildi. Mahalliy hokimiyat vakillarining so`zlariga ko`ra, bunga kechagi noqulay ob-havo to`lqini va kuchli yog`ingarchilik sabab bo`lgan. Natijada tunnelning gidroizolyasiyasi va yuk ko`tarmaydigan qoplamasi buzilgan.
